Per Spelmanns Comeback er likefram oppfølging av ein
stilart vi sjeldan høyrer, der forfattar og musikarar er likeverdige utøvarar
og spoken word utgjer eit av "instrumenta". Sjangeren oppstod i USA
på sekstitalet og fann si form her i landet på syttitalet ved Trond
Botnen/Svein Finnerud Trio/Calle Neumann og Jan Erik Vold/Bobo Stenson Quartet/Jan
Garbarek.
Per Spelmanns Comeback tilfører ny poesi og energi samstundes som vi
tek vare på det autentiske og jordnære ved stilarten.
Råstoffet er
livesession med Ivar Orvedal (spoken word), Jakob Eri Myhre (trompet), Marius André Olsson (trommer), Håkon Norby
Bjørgo (kontrabass) og Aksel Westlund (gitar). Lyttande årvåken improvisasjon
av ein kombo som også fangar melodiøse, lyriske og besvergande aspekt som
dukkar opp undervegs. Kunstnarleg
utfordrande, men samtidig utilgjort og jordnært. Vidareforedla i studio av Ivar Orvedal i dialog med miksar og multimusikar
Geir Sundstøl, som dyrkar kunsten å spele opp på sitt eige vis.